ප්‍රාදේශීය ලේකම් කාර්යාලය - කොටවෙහෙර

01. පවුල් තෝරා ගැනීම -

2015/2016 සිදුකල සමීක්ෂණය මගින් සකස් කර ඇති ලේඛනයෙන් ප්‍රමුඛතාවය අනුව පවුල්

තෝරා ගනී.

වසමේ සමෘද්ධි සංවර්ධන නිලධාරී හා කලාප කළමණාකරුගේ නිර්දේශය හා ප්‍රාද්ශීය ලේකම්ගේ

අනුමැතියෙන් ඉවත් කරන සහනාධාරලාබීන් වෙනුවට නව පවුල් අළුතින් සහනාධාර ලබාදීම

සදහා ඇතුලත් කරයි.

02. සහනාධාර වටිනාකම්:

පවුලේ ප්‍රමාණය	වටිනාකම(රු.)
1 හා 2	1500.00
3	2500.00
4 ට වැඩි	3500.00
සවිබල ගැන්වූ පවුල්	420.00

03. සහනාධාරයේ සංයුතිය :

මුද්දරයේ වටිනාකම(රු)	මුදල් මුද්දරය	අනිවාර්ය ඉතිරි කිරීම්	නිවාස ලොතරැයිය	සමාජ ආරක්ෂණය
1500	1250.00	100	50	100
2500	2150.00	200	50	100
3500	3050.00	300	50	100
420	-	270	50	100

i මුදල් මුද්දරය :

ප්‍රතිලාබියාගේ බැංකු ගිණුමට බැර කරන අතර එය සමෘද්ධි බැංකුව මගින් ලබා ගත හැකිය.

ii අනිවාර්ය ඉතිරි කිරීම්:

ප්‍රතිලාබියාගේ බැංකු ගිණුමට බැර කරන අතර මුදල් ලබා ගැනීම සදහා පහත නිර්ණායක එකක් හෝ සම්පූර්ණ වී තිබිය යුතුය.

අවුරුදු 70 සම්පූර්ණ වීම
දරුවකු විශ්ව විද්‍යාල අධ්‍යපනය ලැබීම
විශේෂිත රෝගයකින් පෙළීම (වකුගඩු, පිළිකා, ශෛල්‍යකර්ම)

iii නිවාස ලොතරැයිය:

ප්‍රාදේශීය ලේකම් කාර්යාලයකට එක බැගින් මාස් පතා දිනුම් අදිනු ලැබේ.
වටිනාකම රු. 200,000.00 වේ.
නිවාස ඉදිකිරීම්, ඉඩමක් මිළ දී ගැනීම හෝ ව්‍යාපාරික කටයුතු සදහා ලබා දෙනු ලැබේ.

iv සමාජ ආරක්ෂණය:

පහත කරුණු සදහා මෙම මුදල් නිදහස් කිරීම සිදුකරයි.

දරු උපත් සදහා රු. 7500 බැගින් දරුවන් තිදෙනෙකුට
පවුලේ විවාහයන් සදහා රු. 7500 බැගින්(උපරිම විවාහ දෙකක්)
මරණයකට රු. 15000 බැගින්(මරණ ප්‍රමාණය සීමාවක් නැත)
රෝහලගතවීම් වෙනුවෙන් වර්ෂකට දින 30ක් සදහා රු. 7500 ක උපරිමයකට යටත්ව දිනකට රු. 250 බැගින්
නිවුන් දරු උපත් සදහා දරුවන් දෙදෙනෙකුට රු. 5000 බැගින් ද දරුවන් තුනක් හා ඊට වැඩි උපත් සදහා රු. 10000 බැගින් ද මාසිකව එක් වර්ෂයක් සදහා

ජීවනෝපාය සංවර්ධන වැඩසටහන්

භාණ්ඩාගාර ප්‍රතිපාදන යටතේ ග්‍රාම නිලධාරී වසම් මට්ටමින් තෝරා ගන්නා ලද පවුල් සවිබල ගැන්වීම සදහා ආපසු අය නොකරන උපරිමය රු. 45000 කට යටත්ව උපකරණ, භාණ්ඩ, ද්‍රව්‍ය, සතුන්,ගොඩනැගිලි සදහා උපකරණ ලබාදීම සිදුකරයි.